नेपालद्वारा मलेसिया १ विकेटले पराजित

• एसीसी यू–१९ एसिया कप

- कान्तिपुर संवाददाता , काठमाडौं

पुस ३, २०७३- एसीसी यू–१९ एसिया कप अन्तरगतको समूह चरणको खेलमा नेपालले मलेसियालाई १ विकेटले पराजित गरेको छ ।

श्रीलंकामा जारी एसिया कपमा नेपालले टस जितेर पहिलो फिल्डिङ रोजेको थियो । पहिलो ब्याटिङ गरेको मलेसियाले ४४.४ ओभरमा सबै विकेट गुमाएर मात्र १५३ रन बनाउन सफल भएको थियो ।मलेसियाका लागि क्याप्टेन भिरेनदीप सिंहले सर्वाधिक ७५ रन बनाएका थिए । नेपालका तर्फबाट आदिल खानले ३ विकेट लिन सफल भएका थिए ।१५४ रनको लक्ष्य लिएर मैदानमा आएको नेपाली टिमले ४४.४ ओभरमै ९ विकेट गुमाउँदै उक्त लक्ष्य प्राप्त गरेको हो । नेपाली ब्याट्स्म्यानहरुले औसत प्रदर्शन मात्र गरे पनि विजयी लक्ष्य भने प्राप्त गर्न सफल भएको हो ।यस अघिका दुवै खेलमा पराजित भएर बाहिरीसकेको नेपालको लागि आजको खेल प्रतिष्ठाको लडाइँ मात्र थियो